Brest 2008

Kouviidi a enor

Kêriadennoù ar bed : Pediñ broioù a bep seurt
E 2004 e oa bet graet berzh bras gant ar c’hornioù gouestlet da Vrazil, Etiopia, Norvegia ha Suis er gouel… E 2008 ez eus meur a vro zo war ar renk hag emeur o studiañ o zeuliadoù.
Ar statud a gouviad a enor zo miret evit raktresoù bras o ment, kaset war-raok gant obererien sevenadurel eus ar c’hentañ troc’h ha skoazellet ez-ofisiel gant o strollegezh. An dileuridi zo anezho ur strollad listri brav, diles ha pare da verdeiñ ha, d’o heul, abadennoù eus an dibab a denn d’ar mor ha d’ar sevenadur.

Galiza

Galiza zo pedet gant BREST 2008 !
Ar rannvro-se eus Spagn, tost d’ar mor, bras ha startijenn ganti, he deus liammoù kreñv a-gozh gant Breizh. En em staliañ a ray er Porzh Kenwerzh en-dro d’an trede lenn...

Ar strollad bagoù : etre 15 hag 20 bag a c’hiz kozh, da ziskouez an hengounioù hag al labourioù disheñvel zo er vro-se, evel da skouer an "dornas", anezho bagoù-pesketa dibar an aberioù hag an inizi eus Galiza.

Ar geriadenn : un tachad bras ma vo gellet ober anaoudegezh, en un doare fetis ha gant kizidigezh, gant sevenadur ha glad mor Galiza hag ivez gant he ferzhioù armerzhel ha touristel hiziv.

• Chanterioù sevel bagoù hag atalieroù, abadennoù evit ar vugale, diskouezadegoù diwar-benn glad arvor Galiza, hag all...

• Korn an touristerezh hag an artizanerezh

• Diskouezadeg luc’hskeudennoù ha filmoù war Galiza hiziv

• Stalioù gant traoù eus Galiza

• Sonerezh, kanaouennoù ha dañsoù gant ar sonerien "gaita" wellañ ha gant strolladoù eus Galiza

• Preti (polbo, bacallau pe traoù all c’hoazh "a la gallega")

Norvegia

Norvegia zo pedet gant BREST 2008 !
Puilhded, diseurted ha bevder he glad mor a ra da Norvegia bezañ pedet ur wech ouzhpenn da VREST 2008, evel kouviad a enor.
Korn Norvegia a vo adarre war ar c’hae Malbert, evit gellout degemer bagoù bras o fard, met nevesaet e vo e zemoù hag e zanvez a-benn 2008.

Ar strollad bagoù : un dibab bagoù eus hanternoz pellañ Norvegia ha n’int ket bet gwelet gwech ebet e Frañs, listri istorel bras evel Anna Rogde, Folkvang, Biskop Hvoslef hag ivez bagoù saveteiñ kozh. Hag ivez ar vag-aocha souezhus Gamle Salten...

Ar geriadenn (unan savet, evit darn, gant tiez koad a c’hiz kozh eus Norvegia):

• Chanterioù, kilvizien hag artizaned o labourat dirak an dud

• Abadennoù en-dro da adsavadur bagoù ar Vikinged

• Diskouezadegoù hag abadennoù all (an tourioù-tan hag ar balizennoù, ar saveteiñ, an Hanternoz Pellañ)

• Filmoù a denn d’ar mor

• Lazoù-kanañ eus broioù an Hanternoz ha strolladoù war al leurenn vremañ e Norvegia

• Preti : meuzioù eus Mor Arktika, pesked mogedet, boued eus ar vro

Vietnam

Vietnam zo pedet gant BREST 2008 !
Ar vro-se, ur vro bell ha bamus, dezhi tremen 3000 km a aodoù, a lakay Brestiz da zizoleiñ ur sevenadur kozh ha bev hag ur glad mor dic’hortoz, e-kichen an tuioù modern anezhi.

Ar strollad bagoù : ar jonkennoù bras Notre Dame de Canton ha Sao Mai, jonkennoù skañv (anvet "Moitessier"), ar bagoù anvet "bag paner" ha bagoù all c’hoazh graet gant bambouz, kenkoulz ha gouelieroù eus Europa greiet evel jonkennoù zo bet pedet.

Ar geriadenn :

• Sevel bagoù a-wel d’an dud, atalieroù sevel bagoù paner

• Diskouezadegoù war glad arvor Vietnam

• Arvestoù : dañsoù ha sonerezhioù, merc’hodennoù, dilhad hengounel.

• Standoù diwar-benn an touristerezh ha Vietnam hiziv

• Diskouezadegoù hag abadennoù kinniget gant kêr Haiphong

• Abadennoù, boued, artizanerezh, hag all...

Kroatia

Kroatia zo pedet gant BREST 2008 !
Dont a reont en-dro, stankoc’h c’hoazh !
Da-heul Joško Božanić ha Velimir Salamon, a oa bet e BREST 2004 gant al lestr hengounel kaer "Comeza Lisboa", Kroatia a zeuy en-dro da Vrest, dileuriet dreist-holl gant tud an Diazezadur "Ars Halieutica", a labour evit kas war-raok glad ar mor e Kroatia ha zo o paouez resev paeroniezh Prezidant ar Republik.

Ar strollad bagoù : un dek bennak a vagoù kozh diles eus aodoù Mor Adria, en o zouez " Condura Croatica" zo bet adc’hraet diwar skouer ur vag vrezel kozh eus an 12vet kantved, ha "Gospa od Mora" (Itron Varia ar Mor) nevez-savet ha moret e Dubrovnik d’ar 15 a viz Eost 2007.

Ar geriadenn : meur a di bihan e-giz Dalmatia a vo enno tud a vor hag artizaned o labourat hag o tiskouez ar pezh a reont:

• Chanter sevel bagoù gant tud o labourat dirazoc’h

• Atalier peskerezh artizanel ha kastellerezh

• Atalieroù prierezh, kantennerezh, kordennerezh

• Ti ar maketennoù hag ar bagoù c’hoarielloù

• Ti ar blaz hag ar saour e Mor Adria...

Arvestoù ha sonerezh, gant "Jedinstvo", ar strollad sonerien ha dañserien wellañ e Kroatia, pe Tamara Obrovac, un arzourez vrudet (etre jazz ha folk kroat) kenkoulz hag un abadenn evit ar vugale.
Kaset e vo an traoù en-dro gant an Diazezadur Ars Halieutica gant skoazell ofisiel an aotrou Stjepan Mesić, Prezidant Republik Kroatia.

Madagaskar

Ganimp emañ pep tra bremañ evit ma c’hellfemp bezañ war c’hortoz eus ur c’horn brav da ginnig dimp ur sell sevenadurel ha kengred war Madagaskar.

• Ur strollad pirogennoù brav, bagoù-dre-lien anezho, en em gavo a-gevret gant bagoù Breizh, Galiza ha Kroatia, en trede lenn.

• E-kichen ar Porzh Kenwerzh, er Geriadenn, e vo bodet ar stalioù hag an atalieroù ma vo graet, dirak selloù an dud, traoù diles gant artizaned giz gwechall (bravigoù, broderezh, kizellerezh, houarnerezh, maketennoù, hag all).

• Boued (tañva ha predañ) gant produoù eus ar c’henwerzh reizh

• Abadennoù sonerezh gant strolladoù a zeu war-eeun eus Madagaskar, tonioù eus an trovanoù ganto ha dañsoù dibar, sur...

Ar raktres-se, gant Madagaskar, zo savet penn-da-benn war diazezoù an diorren padus hag ar c’henwerzh reizh. An arc’hant gounezet en egorenn Madagaskar a yelo penn-da-benn ha war-eeun d’an dud reuzeudik eus an enezenn. 

Tud a bep lec’h

Ur gouel etrebroadel : Dileuridi deuet eus pevar c’horn ar bed
Gouel Brest a vez atav buhezekoc’h, dibaroc’h hag etrebroadeloc’h !
Ouzhpenn ar "gouvidi a enor" e vo degemeret ivez tud ha bagoù "deuet eus lec’h all" gant BREST 2008 !

Sveden

Bagoù-dre-lien hengounel Sveden
Ar gevredigezh "Sveriges Segelfartygsförening" zo bodet enni ar re vravañ eus bagoù-dre-lien hengounel Sveden. Dont a ra ray ar gevredigezh da v-BREST 2008 ha pedet eo bet ent-ofisiel an dek ha tri-ugent a vagoù-dre-lien hengounel zo enni (en o zouez emañ ar Götheborg III, savet diwar skouer ul lestr kenwerzh eus an XVIIIvet kantved).
Hervez ar c’heleier diwezhañ e c’hellfe 8 pe 10 bag eus ar gevredigezh dont da ouel Brest, lod anezho en ur vageal, lod all war bourzh sammlistri.

E darempred emaomp ivez gant ar brig kaer eus Stockholm "Tre Kronor" ("Teir c’hurunenn"), http://www.stockholmsbriggen.se/ hag ar fourgadenn varzhus "Götheborg III", graet diwar skouer ul lestr eus 1745 http://www.gotheborg.com/
An div oueletenn c’hoar Galadan ha Falken, int, zo pedet gant o c’henseurted eus Bro-C’hall, Etoile ha Belle Poule, listri eus ar Morlu Broadel.

En aod e vo kinniget gant ar Svediz un hollad diskouezadegoù hag abadennoù diwa-benn : "Sveden, bro an enezegoù"

Suis

Kement a entan ha kement a blijadur o doa bet hor mignoned eus Suis pa oant bet e Brest 2004, m’o deus bet c’hoant dont en-dro da VREST 2008, da ziskouez dimp ho mignoniezh laouen.

Raktreset o deus diskouez dimp :

• saveteerien Nyon gant ho kanod bras dek roeñver, hag ar chanter m’eo bet savet

• diskouezadegoù gant Mirdi al Lenn Léman

• abadennoù sonerezh ha plijadur gant ar "warded suis"

• ur preti lipous bras

• leurenn ar greanterezh hag an artizanerezh eus Suis

Imprimer la page